قصة بنت كانت تطالع واحد بعين قويه ! ! ! ؟

قصة بنت كانت تطالع واحد بعين قويه ! ! ! ؟
الرجال طلع شاعر وماقصر فيها كم بيت عشان تتأدب
لكن فيه مفاجأاااااااااااه
كل شبر بها الوسيعه ملك ربي تعلمين
وأعلم إن اللي خلقني هو خلقلك هالعيون
لكن إنتي من جلستي وانتي فيني تحدقين
كن مابه ناس غيري بها الكراسي يجلسون
لو سمحتي عاد أسمعي وحتى لو ماتسمحين
المهم إللي بقوله تسمعينه ويسمعون
على الأقل ليا نظرتك سوي روحك تستحين
غضي طرفك مثل غيرك خوف ربعي يلمحون
الركاده عاد زينه والحياء في البنت زين
وفيك جآزم لاركاده ولاحياء يذكرون
تعرفيني؟ ! أعرفك ؟ ! ماأذكر إن ملتقين
لا أعرفك من تكوني ولاتعرفي من أكون
وإطمأني إن كان قصدك بس فيني تشبهين
ماهو أنا إللي تعرفيه والبشر يتشابهون
مادريتي من التشابه يخلق الله أربعين
وأعرف أربع يشبهنك بس والله يستحون
وإن كان قصدك شي ثاني عاد قولي وش تبين
خايف نصير فرجه واللي مايشتري يتفرجون
وإذا ببالك عاجبتني لايحوشك تحلمين
صح ربعي من جمالك فيك صار يمدحون
بس وش لي في حلاتك دام فيها ترخصين
حشمة البنت وحياها والكرامه يلفتون
ولوتوفر فيك هذا مع حلاتك تبشرين
ماهو أنا ألف غيري باب بيتك يطرقون
وش علامك رغم كل اللي أقوله وتسكتين

موطبيعي هالسكوت وهالبرود وهالسكون
إنتي خرسا أسألك ولامنتي تسمعين ؟ ؟
قالوا ربعي ذي كفيفه قلت لالالالا تمزحون

--- اكتشف إنها كفيفه ---

لين شفتك يوم رحتي يمسكونك باليدين
مادريت إلاعيوني أربع أربع يذرفون
آه ياني منه مشهد يوم شفتك ترحلين
جيت أشوف عيون ربعي لقيت الكل يدمعون
قلت سنة هالحياه وحنا ترانا مؤمنين
الله اللي مسيرنا بين كاف وبين نون
وكل أبونا نختلف مع إننا من أصل طين
سبحان يلي مصورنا ولله في خلقه شؤون
يعني حنا كل أبونا عاد إسمنا بنادمين
وليا قضى ربك أمر وقال له كن فيكون
فينا يلي رازقه خير رب العالمين
وفينا يلي هو لعطفه بحاجة القلب الحنون
وفينا يلي ماشكى من علة كالأخرين
صم وبكم وعمي فهم لايفقهون
بس قليل عاد فينا للنعم هم شاكرين
والله يرزق هالخلايق من حيث لايعلمون
وتدري عاد يالكفيفه حنا ترانا متشابهين
وإن ماانعمت أبصارنا قلوبنا هم إللي يعتمون
يالكفيفه يالعفيفه إن قلت آسف تقبلين ؟ ؟ ؟
يغفر الله ذنوب عبده ليا خطا وهل تغفرون ؟ ؟ ؟ ؟

اتمنى تعجبكم...
مع حبي