][ جنون أنثى ][ ملاكي فاق الوصف
عدد المساهمات : 152 تاريخ التسجيل : 12/09/2009
| موضوع: الحب الصامت,.,., 13th ديسمبر 2009, 3:26 am | |
|
يكلمني عن جروحه ،، و أنا من سـبّـته مجروح يسولف لي عن ( أحبابه ) !! ،، و أسولف عنه لحاله
أحس في دمعة عيونه ، و تطلع من بكاه الروح و إذا يفرح مع غيري ،، ( بكى قلبي .. و هنـّى له ) !!
ياليت آنا معاه اللي ركبنا في سفينة نوح محد يقدر يفرّقنا .. لا عمـّي ،، و لا خاله
رسمته في قلم ناشف على قطعة خشب من لوح و تهيـّأ لي يحاكيني ، و يبيني أرسم ظلاله
تحرّك طيفه الدايم ، و لَـعـَب في حسبتي بـجموح ( يحب الخيل ) ، و أشعاري عشانه صاروا خيـّاله
و صار بعيني الأجمل ، مع إنه شويّ هو مملوح و لا غيره ملا عيني ، و قلبي بس يصفى له
ذبحني قلبي الساكت ،، متى قلبي عليه يبوح ؟؟ أحبه .. و مادرى إني أحبه , و أعشق وصاله
كتمت / و هذا من طبعي ، و تمنيت الغلا مفضوح بأبيّن له ، و لا أقدر !! مع إني جالس قباله
أخاف إنه بعد مده يطير ،، و من إيديني يروح !! هو نعمة من فضل ربي ، و يقولوا : النعمه زوّاله !
لي قلبٍ من كثر حبه ،، على فراش التعب ( مطروح ) لا هو ميت و لا عايش .. و والله إن مات أشوى له !!
و حبي ( من طرف واحد ) ، غلا صادق ، بدون مزوح و إذا هو طاح قدامي : نزل له قلبي و شاله
شكى لي ، و كنت له ( أسمع ) / و قلبي دووووم له مفتوح يطمّني عن ( أخباره ) ، و شنهي آخر أعماله
و إذا شفته خطا بحقي . . بدون أعذار هو مسموح في نيـّاته .. و لا يدري .. و طيبة قلبه همّاله !
في جياته يروح الهم .. و يبدّل دمعتي بـ فروح تمنيت البشر مثله ،، و كل من حولي أمثاله
من الله حبّه بقلبي ،، حشى مالي ترى مصلوح عسى يكبر و يذكرني .. و يسمّي بـ ( اسمي ) عياله
| |
|
عيون المملكة ملاكي فاق الوصف
عدد المساهمات : 202 تاريخ التسجيل : 15/01/2010
| موضوع: رد: الحب الصامت,.,., 21st يناير 2010, 5:29 am | |
| زوايا حرف .. و نكهات حروف ..
سطور مخملية .. تأخذنا معها ...
بكل أشكالها و مشاعرها و أفكارها .. ل نعيش معها .. لحظةً بلحظة ...
..
سلم حرفك و فكرك
و دمتِ متميزه ...
بإنتظاركِ دوماً
لكِ ارق تحية ... | |
|